Хезмәт

Чаллы янында фура шоферы, авариядән соң, шикәр комы астында калып үлгән

Юл һәлакәте кичә кич Чаллы – Зәй автомобиль юлында булган.

(Казан, 5 февраль, «Татар-информ», Полина Шевчук). Чаллы янында фура шоферы, башка йөк автомобиле катнашындагы авариядән соң, шикәр комы астында басылып үлгән.

Агентлыкның үз хәбәрчесе фаҗига булган урыннан «Татар-информ»га сөйләгәнчә, авария кичә төн уртасы якынлашып килгәндә республиканың Тукай районында Чаллы – Зәй автомобиль юлында булган. Биредә берьюлы өч «КАМАЗ» машинасы бәрелешкән.

Трал шоферы сүзләренчә, ул үрдән төшкән вакытта тормозга баскан һәм автомобиль каршы як полосага чыккан. Анда ул 20 тонна шикәр комы төялгән фура белән бәрелешкән һәм кюветка төшеп киткән. Шуннан соң трал тагын бер йөк автомобиленә килеп сыланган.

Нәтиҗәдә, шикәр комы төялгән фура шоферы кабинада күп тонналы йөк астында басылып калган.

«Йөк автомобиленең 59 яшьлек йөртүчесе алган җәрәхәтләрдән шунда ук үлгән. Авариянең нечкәлекләре ачыклана», - дип белдерде агентлыкка Тукай районы буенча ЮХИДИ идарәсе башлыгы вазифаларын вакытлыча башкаручы Роберт Вильданов.

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: