Хезмәт

Татарстанда ике җиңел автомобиль бәрелешкән, машина йөртүчеләрнең икесе дә имгәнгән

Республиканың Тукай районы Әҗмәкәй авылы янында 14нче модельле «Лада» һәм «Опель» автомобильләре кара-каршы бәрелешкән.

(Казан, «Татар-информ», Полина Шевчук). Татарстанда ике җиңел автомобиль бәрелешү нәтиҗәсендә машина йөртүчеләрнең икесе дә зыян күргән. Бу хакта «Татар-информ» агентлыгына әлеге аварияне күргән кешеләр хәбәр итте.

Юл һәлакәте кичә иртән Тукай районының Әҗмәкәй авылы янында килеп чыккан. Биредә 14нче модельле «Лада» һәм «Опель» автомобильләре кара-каршы бәрелешкән. Нәтиҗәдә, ике машина да чын мәгънәсендә тимер өеменә әверелгән.

«Ике автомобильне дә юлның төрле якларына алып аткан. «Лада» автомобилендә машина йөртүче кысылып калган», - дип сөйләде юл һәлакәтен күргән кешеләр.

Башлангыч мәгълүматларга караганда, авариядә машина йөртүчеләрнең икесе дә зыян күргән. Юл һәлакәтенең сәбәпләре ачыклана.

Фото: соцсети

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: дтп
Нравится
Поделиться:
Реклама
Комментарии (0)
Осталось символов: