Хезмәт

Телефоннан сөйләшү тыела

1 апрельдән бирле Татарстан территориясендә «Мобильник» дигән профилактик чара бара. Әлеге чараның төп максаты – юлларда машина белән идарә иткәндә кәрәзле телефоннарны, гомумән, электрон гаджетларны куллануны тыю.

Чөнки рульдә барган килеш кенә смс-хәбәр язулар, төрле программалар куллану, уеннар уйнап бару, селфи ясаулар, бер-бер артлы сөйләшүләр шоферның игътибарын юл хәрәкәтеннән читкә юнәлтә, һәм күп очракта үкенечле һәлакәтләргә дә китерә. Кулланган очракта да ул махсус җайланмага көйләнгән булырга тиеш. Әгәр куелган таләпләр үтәлми икән, РФ Административ хокук бозулар турындагы Кодексының 12.36.1 маддәсе нигезендә, 1500 сум штраф салыначак.

Әлеге чара 30 апрельгә кадәр дәвам итә.

Фото: ТИ

Реклама
Нравится
Поделиться:
Реклама
Комментарии (0)
Осталось символов: