Хезмәт

Вакытлы һәм урынлы ярдәм

Район ЮХИДИ бүлеге хезмәткәрләре – полиция лейтенанты Рәниф Галимбәков белән полиция өлкән сержанты Равил Вәлиев рейд вакытында кюветка төшкән машинага юлыга.

Узган ялларда Балтач-Шәмәрдән трассасында, төгәлрәге Бөрбаш авылы янында «МАЗ» йөк машинасы шоферы идарәне югалтып, юл кырыена төшеп китә. Нәтиҗәдә, фура карда батып кала. Чираттагы рейд вакытында әлеге күренешкә тап булган район ЮХИДИ бүлеге хезмәткәрләре тиз арада трактор чакырта.

– Трактор ярдәме белән йөк машинасын тартып чыгара алдык. «МАЗ» шоферы рәхмәт белдереп, юлын дәвам итте, – дип сөйли Рәниф Галимбәков.

Бәхеткә, шофер кешегә зыян килми. Ә ЮХИДИ бүлеге хезмәткәрләренең вакытлы һәм урынлы ярдәме юлчыны мең бәладән коткара.

Реклама
Теги: ярдәм
Нравится
Поделиться:
Реклама
Комментарии (0)
Осталось символов: