Авария вакытында машинадан очып чыгып баручы ир-атны иптәше аягыннан тотып калган
Авария вакытында бер ир-ат могҗиза белән исән калган.
Нововоронеж шәһәрендә авария вакытында бер ир-ат могҗиза белән исән калган. Аны иптәше аягыннан тотып алган. Бу турыда «Вести» каналы хәбәр итте.
Ford Focus машинасы каршы як полосага чыга, аңа икенче машина килеп бәрелә. Шуннан соң Ford салоны тәрәзәсеннән ир-ат очып чыга, аның иминлек каешы эләктерелмәгән була. Машина эчендә баручы икенче ир-ат аны аягыннан тотып калырга өлгерә.
Воронеж өлкәсе буенча Эчке эшләр министрлыгы идарәсе белешмәсе буенча, авариядә 4 машина — Ford Focus, ВАЗ-2114, ВАЗ-2104 һәм Hyundai Elantra катнаша.
«ВАЗ» йөртүчеләре — 2 кеше имгәнә, аларның берсе 71 яшьлек пенсионер ир-ат була.
Ford Focus белән идарә итүче 46 яшьлек ир-атның канында өреп чыгарыла торган 1 литр һавада 1,559 миллиграмм алкоголь булуы ачыклана, диелә хәбәрдә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев