Балтач гимназиясе активистлары юлларга чыкты (+фото)

Бүген, Бөтендөнья юл-транспорт һәлакәте корбаннарын искә алу көне уңаеннан, район ЮХИДИ бүлегенең өлкән дәүләт инспекторы, полиция капитаны Рәниф Галимбәков  һәм «Юл хәрәкәте иминлеге» дәүләт бюджет учреждениесенең Балтач бүлекчәсе башлыгы Лилия Һадиева Балтач гимназиясе активистлары белән берлектә акция үткәрде.

Акциянең максаты - юл хәрәкәте иминлеген тәэмин итү проблемаларына киң җәмәгатьчелекне җәлеп итү, юл-транспорт һәлакәтләре нәтиҗәсендә үлүчеләр санын һәм травматизмны киметү, шулай ук юл-транспорт һәлакәтләре корбаннарын искә алу һәм аларның гаилә әгъзаларына кайгыларын уртаклашу.

Акциядә катнашучылар рульартында булганнарның барысына да куркынычсыз юллар һәм һәрвакыт юлларда игътибарлы йөрүләрен теләделәр!