Балтачлылар тоннель аша уза

ЮХИДИ инспекторлары тарафыннан ай саен юл кагыйдәләрен бозучыларны киметү максатыннан, «Тоннель» операциясе уздырылып тора. Күпме кисәтүгә карамастан кагыйдә бозу очраклары кимеми. Исерткеч эчемлек эчкән килеш транспорт белән идарә итүче, ремень такмыйча яисә баланы махсус утыргычка утыртмыйча йөрүчеләр, тизлекне арттыручылар гел күзәтелә. Юллардагы иминлекне тәэмин итү, профилактика-аңлату эшләрен көчәйтү, райондашларның гомерләрен саклап калу, юл кагыйдәләрен бозу очракларын кисәтү йөзеннән, бүген – 27 февраль көнне янә районыбыз юлларында махсус профилактик чара «Тоннель» операциясе уза, дип хәбәр итәләр район ЮХИДИ бүлегеннән.