Башын ярган...

29 майда Уфаның Сипайлово бистәсендәге Яр буе урамында электр самокатында йөргән егет бәлагә тарыган. Биредә асфальт кинәт бетеп, ком юл башлана торган урында ул идарәне югалтып егылган. Зыян күрүче аңсыз җиде минут чамасы яткан.

Шаһитлар ашыгыч ярдәм чакырткан. Бу куркыныч хәл видеокадрларда күренеп тора, егет һушына килгән, йөзе канга баткан.

Бәхеткә, әлеге очрак фаҗига белән тәмамланмаган. Шул ук вакытта, Уфа халкы тротуарларда, юлларда йөрүче электр самокатлары турында күптән чаң суга. Социаль челтәрләрдә, берәр фаҗига булуын көтәләрме икән, дигән хәбәрләр дә бар. Чыннан да, бу күренеш хокукый карар кабул итүне таләп итә, дип яза Кызыл таң.

Фото: социаль челтәрдән.

Автор: Гөлия Мөгаллимова