Белә идегезме: евроберкетмә төзеп була
Авария вакытында инспекторлардан башка евроберкетмә төзергә була икән. Ул кайсы очракта төзелә?
Юл һәлакәтенә эләктем. Машинага әллә ни зур зыян килмәде, аның каравы ЮХИДИ хезмәткәрләрен берничә сәгать көттек. Авария вакытында инспекторлардан башка евроберкетмә төзергә була икән. Ул кайсы очракта төзелә?
Салих ГАРИПОВ.
Татарстанның ЮХИДИ идарәсеннән:
— Әгәр авариядә һәлак булучылар, имгәнүчеләр юк икән, ике як та үзара килешсә, машиналарга килгән зыян 100 мең сумнан артмаса, ЮХИДИ хезмәткәрләре килгәнне көтмичә, евроберкетмә төзергә була. Аның бланкларын һәрчак үзең белән йөртсәң яхшы. Аларны иминиятләштерү компанияләреннән бушлай алырга мөмкин. Евроберкетмә төзү өчен тагын кирәкле шартлар: юл һәлакәтендә ике машина гына катнашу, ике якның да ОСАГО килешүе булу. Евроберкетмәне ЮХИДИ бүлегенә барып, шулай ук “Помощник ОСАГО” кушымтасы аша электрон рәвештә дә тапшырырга мөмкин.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев