Чаллыда ике җиңел автомобиль катнашындагы авариядә пассажир машинада кысылып калган
Юл һәлакәтендә «Лада» автомобиленең йөртүчесе һәм пассажиры төрле тән җәрәхәтләре алган.
Чаллыда ике җиңел автомобиль катнашындагы авариядә пассажир машинада кысылып калган.
Агентлыкның үз хәбәрчесе авария урыныннан «Татар-информ»га хәбәр иткәнчә, юл һәлакәте кичә төнге унберләр тирәсендә шәһәрдән чыгу юлында булган. Башлангыч мәгълүматлар буенча, «Лексус» автомобиле юл чатында «Лада»га юл бирмәү сәбәпле авария китереп чыгарган һәм Россия машинасы тимер киртәгә килеп сыланган.
Нәтиҗәдә, «Лада» пассажиры машинада кысылып калган. Ир-атны салоннан чыгару өчен коткаручылар чакыртырга туры килгән.
«Авариядә ике кеше – җиңел автомобильнең йөртүчесе һәм пассажиры зыян күргән. Авыр хәлдәге пассажирны хастаханәгә алып киттеләр», - дип искәртте агентлык хәбәрчесе.
Тулырак: ТИ
Фото: Валентин Кулагин
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев