Фото: Питрәч районында юл фаҗигасе каршы як полосага машина чыгу белән бәйле

(Казан, 4 гыйнвар, “Татар-информ”). Питрәч районының Чуча авылы янындагы юлда маңгайга-маңгай ике автомобиль бәрелешү аркасында дүрт кеше һәлак булган һәм алты кеше зыян күргән. Бу хакта Россия Эчке эшләр министрлыгының Татарстан буенча матбугат хезмәте хәбәр итте.

Юл-транспорт һәлакәте каршы як полосага зур тизлектә “Хенде Крета” очып чыгу аркасында була. Бу хакта Россия Эчке эшләр министрлыгының Татарстан буенча матбугат хезмәте хәбәр итте.

Юл һәлакәте бүген 14.00 сәгатьтә Питрәч районында Казан – Шәмәрдән юлының 63нче чакрымында булган. 35 яшьлек “Хендэ Крета” автомобилен йөртүче зур тизлектә каршы як полосага чыгып, 36 яшьлек йөртүчесе булган 14нче модельле “Лада”га килеп бәрелгән.

“Лада”ның өч пассажиры алган җәрәхәтләрдән урында ук һәлак булган. Тагын бер пассажиры Арча үзәк хастаханәсенә озатылган. “Хенде Крета” йөртүчесе һәм андагы ике пассажир шулай ук әлеге хастаханәгә җибәрелгән.

Полиция хезмәткәрләре урында эшли һәм һәлакәткә ачыклык кертә.