Ярышларга юл тоткан балалар автобусы авариягә эләккән
«Газель-Некст» автомобилендә 17 кеше булган, шуларның сигезе — балалар.
Балалар утырган автобус Удмуртиядә юл-транспорт һәлакәтенә эләккән. Гадәттән тыш хәлләр министрлыгының мәгълүматлары буенча, җиде кеше зыян күргән, шул исәптән ике балигъ булмаган бала.
Авария Кече Мазьга һәм Чутырь авыллары арасында, М-7 «Волга» трассасының 251 нче километрында килеп чыккан.
Иртәнге сигезләр тирәсендә анда «Лада-Веста» һәм «Газель-Некст» автомобильләре бәрелешкән. Соңгысында 17 кеше булган, шуларның сигезе — балалар Алар барысы да ярышларга юл тоткан. Җиңел машинада бер кеше булган. «Микроавтобусның барлык пассажирлары Игра бистәсенең дәвалау учреждениесенә юнәлдерелгән», — дип өстәделәр ведомствода.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев