Җиңел машина йөртүчесе йөк машинасы белән бәрелешеп һәлак булган
Йөк машинасы йөртүчесе каршы як юлга чыгып, чит ил машинасына бәрелгән.
(Казан, 22 октябрь, «Татар-информ», Полина Шевчук). Чит ил машинасы йөртүчесе Татарстанда йөк машинасы белән бәрелешеп, куркыныч авария корбаны булган. Бу хакта «Татар-информ»га фаҗига шаһитлары сөйләде.
Кичә иртән иртүк республиканың Биектау районы Чыпчык авылы янында юл-транспорт һәлакәте булган. Биредә «КАМАЗ» һәм «ДЭУ» җиңел автомобиле капма-каршы бәрелешкән.
Фаразланганча, йөк машинасы шоферы башка автомобиль белән бәрелештән читкә китәргә тырышкан, шуңа каршы як юлга чыккан һәм каршы килгән чит ил машинасына килеп бәрелгән.
«Һәлакәттә "ДЭУ" машина йөртүчесе — 50-55 яшьлек ир-ат шунда ук үлгән. Аны салоннан алу өчен коткаручылар чакыртырга туры килде», - дип уртаклашты агентлык белән фаҗига шаһитлары.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев