Иртәгә Балтачта "Тоннель"операциясе узачак

ЮХИДИ инспекторлары тарафыннан ай саен юл кагыйдәләрен бозучыларны киметү максатыннан «Тоннель» операциясе уздырылып тора. Күпме кисәтүгә дә карамастан кагыйдә бозу очраклары кимеми. Исерткеч эчемлек эчкән килеш транспорт белән идарә итүче, куркынычсызлык каешы такмыйча яисә баланы махсус утыргычка утыртмыйча йөрүчеләр, тизлекне арттыручылар гел күзәтелә.  Юллардагы иминлекне тәэмин итү, профилактик-анлату эшләрен көчәйтү, райондашларның гомерләрен саклап калу, махсус профилактик чара “Язгы каникуллар” кысаларында, юл кагыйдәләрен бозу очракларын кисәтү йөзеннән 25 март көнне янә районыбыз юлларында махсус профилактик чара «Тоннель» операциясе узачак.

Район ЮХИДИ бүлеге