Июнь аеның 21 көнендә генә дә республика юлларында 22 кеше һәлак булган

Юл-транспорт һәлакәтләре, аларда һәлак булган һәм зыян күргән кешеләр саны арту сәбәпле, Татарстан Республикасы буенча ЭЭМның Дәүләт автоинспекциясе хезмәт итүнең көчәйтелгән вариантына күчә.

Быел июнь аеның 21 көнендә генә дә республика юлларында 22 кеше һәлак булган.

Юл-транспорт һәлакәтләренең төп төрләре - каршы хәрәкәт полосасына чыгу, тизлек режимын бозу, җәяүлене бәрдерү, идарә итү хокукы булмаган килеш транспорт чаралары белән идарә итү.

Юл-транспорт һәлакәтләрен кисәтү һәм аварияләрне киметү максатыннан республиканың автомобиль юлларында постлар көчәйтеләчәк, шәһәр һәм районнарда өстәмә рәвештә юл хәрәкәте кагыйдәләрен бозучыларны ачыклау буенча рейдлар узачак. Машина йөртүчеләрнең исерек хәлдә транспорт чаралары белән идарә итү, каршы як полосага чыгу, балаларны йөртү кагыйдәләрен бозу һәм куркынычсызлык каешларын такмау кебек авыр нәтиҗәләргә китерә торган юл-транспорт һәлакәтләренә юл куймауга аерым игътибар биреләчәк, шулай ук өстәмә профилактик чаралар үткәреләчәк.

Татарстан Республикасы буенча эчке эшләр министрлыгының Дәүләт автоинспекциясе юл хәрәкәте кагыйдәләрен тайпылышсыз үтәү зарурлыгы турында искәртә һәм юл хәрәкәтендә катнашучыларны бик игътибарлы һәм сак булырга чакыра.