Каникул чоры, икеләтә игътибарлы булу кирәк

Җир акка күмелгән көндә бер баланың да өйдә утырасы килми. Балалар шугалакка тимераякта, чаңгы трассасына чаңгыда шуарга бармыйча калмый. Әлбәттә, инде алар юл аркылы чыгарга мәҗбүр булалар. Төрле юл һәлакәтләренә дучар булмасыннар өчен балаларыбызга кат-кат юл кагыйдәләрен исләренә төшереп торсак та, артык булмас. Ә инде җиде яше тулмаган баланы үзен генә урамга чыгару бөтенләй дә ярамый. Чана шуар өчен тауларны машина юлыннан ераграк җирдә ясавыбыз хәерле.

Кичләрен караңгы бик тиз төшә. Баларыбызның саклыгы өчен киемнәрендә яктылыкны кире кайтара торган элементлар булдыру аларның гомерен саклап калу өчен бик тә кирәк. Караңгы вакытта шоферга кара киемле дә булса, җәяүлене күрүе кыенлаша, ә яктылык кайтарткычлар күрү аралыгын 3 тапкырга кадәр арттыралар. Яктылык кайтарткычларны җәяүлеләрнең барысы тагып йөрсә дә артык булмас, чөнки статистика буенча җәяүлене бәрдергән аварияләрдә күбесе караңгы вакытта җәяүлене күрмәү сәбәпле килеп чыга.

Хөрмәле әти-әтиләр, иң зур байлыгыбыз – балаларыбызга игътибарлы булыйк! Беребезгә дә балалар хәсрәте күрергә язмасын! Юлларыбыз хәвеф-хәтәрсез, имин булсын!!!

Лилия Һадиева

Балтач юл хәрәкәте инспекциясе