Каршы як полоса чыксаң, штрафлар саллы...
Дәүләт автоинспекциясенең Балтач районы бүлеге 2022 елның 21 ноябреннән 27 ноябренә кадәр «Каршы як полоса» профилактик чарасы үткәрелүе турында хәбәр итә.
РФ Административ хокук бозулар Кодексының 12.15 маддәсе 4 өлеше нигезендә "Каршы як хәрәкәт өчен билгеләнгән полосага юл хәрәкәте кагыйдәләрен бозып чыгу" очрагы күзәтелгәндә, шофёрларга 5 мең сум күләмендә административ штраф салу яки 4 айдан 6 айга кадәр идарә итү хокукыннан мәхрүм итү каралган.
"Каршы як хәрәкәт полосасына чыгу – иң еш очрый торган кагыйдә бозулар рәтенә керә һәм шул ук вакытта еш кына юл-транспорт һәлакәте сәбәпләренә китерүче маневр ясауга әверелә. Юл-транспорт һәлакәтләреннән иң авыр нәтиҗәләр каршы машиналарның алгы бәрелешләре нәтиҗәсендә килеп чыга" – дип кисәтә район Юл хәрәкәте иминлеге дәүләт инспекциясе.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев