Хәрәкәт вакытында ут кабып машинасы янып беткән
Машина йөртүче зыян күрмәгән.
(Казан, 28 октябрь, «Татар-информ»). Зәй районында хәрәкәт вакытында ут капкан машина янып беткән. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсенең матбугат хезмәтендә хәбәр иттеләр.
Төнге сәгать икенчедә «Ока» машинасы Куш-Елга авылыннан ерак түгел юл буйлап барган. Кинәт капот астыннан ялкын бәреп чыккан.
Янгын сүндерүчеләр урынга дүрт минут эчендә килеп җиткән. Унбиш минуттан янгынны сүндергәннәр. Машинаны коткарып калып булмаган - ул тулысынча янып беткән.
Машина йөртүче зыян күрмәгән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев