Коркачыкка җиткәндә юл һәлакәте

Кичә иртәнге сәгатьләрдә үк килеп ирешкән хәбәр янә өнне алды. Арча-Казан юлында, Коркачыкка җитәрәк юл һәлакәте, өч кеше үлгән дип килде ул. Инстаграмга  кешеләре исәнме, дип яздылар... Берсен чирәм өстенә салганнар иде, берсен машина астыннан алалар иде, анысы ничек,  әйтә алмыйм, дип җавап бирде бер укучыбыз.  Ходайның рәхмәте,  тора-бара,  “ Соңгы хәбәр буенча  барысы да исәннәр, бик күп тән җәрәхәтләре алганнар” дип яздылар. Аллам сакласын дип язганнардан соң, “Кумагыз, иптәшләр, теге дөньяга тәүлек әйләнәсе буенча кабул итеп торалар, болай да... “ дигән комментарий язды бер иптәш.

Юлларга чыкканда белгән догаларны укыйк, юл догаларын үзебездән калдырмыйк.

фото: http://biektaw.ru/news/novosti/v-vysokogorskom-rayone-derevni-kurkachi-lob-v-lob-stolknulis-lada-granta-i-lada-14-y-modeli