«Шипы» нинди билге бу?

Соӊгы ике атнада көз-кыш вакытында автомашиналарга куела торган «Шипы» язуын монарчы 10 ел эчендә булган күләмдә сатып алып бетерделәр, яӊадан өстәмә кайтарасы булды, ди машиналарга кирәк-яраклар сатучы танышым. Яшермим, «дөнья хәлен белеп булмый», дип үзем дә аны машинаныӊ арткы пыяласына «чәпеп» куйдым. Чөнки 2017 елныӊ 20 октябрь аеннан ЮХИДИнеӊ яӊа регламенты үз көченә кергәнен укыган идем. Әмма бу билгенеӊ куелуы аӊа бәйле түгел икән.

Әгәр дә машина шиплы тәгәрмәчләргә күчерелгән икән, «Шипы» билгесе куелу мәҗбүри. Бу очракта Административ хокук бозулар Кодексыныӊ 12.5 статьясыныӊ 1 өлеше нигезендә 500 сум штраф каралган. Шулай ук инспектор тарафыннан 7.15(1) пункты буенча машинагыз булган җитешсезлекне бергәнче, тоткарланырга мөмкин.

Кемнәрдер, әле бу дөрес түгел, әлегә штраф салырга тиеш түгелләр, дип үз-үзен ышандырып йөрергә мөмкин. Әмма үзеӊнеӊ дөреслегеӊне раслап, судка йөргәнче, тиешле билгене вакытында алып куюыӊ кулайлырак булыр.

Автор фотолары.

Безне Telegramда укыгыз