Түбән Кама районында өч машина бәрелешеп, дүрт ир-ат имгәнгән
Ильинка авылы янында «Хендэ» йөк машинасы, «Дэу» һәм «Лада» җиңел автомобильләре бәрелешкән.
(Казан, 14 август, «Татар-информ»). Татарстанның Түбән Кама районында өч машина катнашындагы юл һәлакәтендә дүрт ир-ат зыян күргән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Ильинка авылы янында җитди юл һәлакәте булуы хакындагы хәбәр 112 бердәм номерына кичә көндез килгән.
Юлны берьюлы өч автомобиль («Хендэ Портер», «Дэу» һәм «Лада») бүлешә алмаган.
Авариядә Корея автомобиле барыннан да күбрәк зыян күргән. Ул чын мәгънәсендә тимер өеменә әверелгән: юл һәлакәтендә аның бамперы, фаралары, капоты, алгы тәрәзәсе ватылган.
Төрле тән җәрәхәтләре алган дүрт ир-атны («Дэу» шоферы һәм пассажирлары) Түбән Кама Үзәк район хастаханәсенә озатканнар.
Чакыру буенча килгән 43нче янгын-коткару часте хезмәткәрләре, машиналарга ут капмасын өчен, өч автомобильнең дә аккумуляторларын өзгән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев