Укучыбыздан сорау

Аның белән ничек кулланырга соң? Телефонда интернет булмаган очракта инспекторларга аны ничек күрсәтеп була?

Бу сорауга җавапны Дәүләт автомобиль инспекциясенең Балтач бүлекчәсе җитәкчесе Рафил Шәймөхәммәтов бирде:

— Машина йөртү та-ныклыгы булган кеше телефонына «Госуслуги Авто» мобиль кушымтасын урнаштыра. Анда теркәлеп, машина йөртү таныклыгы һәм транспорт чарасын теркәү турындагы документның (свидетельство о регистрации ТС) мәгълүматларын кертә. Шуннан соң кушымта документны QR-код рәвешенә әйләндереп бирә.

Электрон таныклыкны тикшерер өчен интернет кирәкми. Инспектор QR-кодны махсус мобиль планшет ярдәмендә укый. Электрон документка күчү мәҗбүри түгел, шулай да без киңәш итәр идек, чөнки бу бик уңайлы.