Укучыбыздан сорау

— 2024-2025 елларда машина йөртү таныклыгының срогы чыкса, өч ел эчендә алыштырмасаң да була икән, бу мәгълүмат хакмы?

— 2023 елның 23 декабрендә Россия Федерациясе Хөкүмәтенең 2269 номерлы карары үз көченә керде. Чыннан да анда 2024 елның 1 гыйнварыннан 2025 елның 31 декабренә кадәр машина йөртү таныклыгының срогы чыга икән, ул өч елга озайтыла диелгән. Моның өчен район ЮХИДИ бүлегенә мөрәҗәгать итәсе юк, ул автомат рәвештә озайтылачак.

Ләкин шул ук вакытта бу үзгәрешнең трактор праваларына кагылмавын да искәртеп узасы килә. Әгәр дә сезнең трактор правасының срогы чыгып килә икән, аны вакытында алыштырырга кирәк.