2022 елда Татарстанда бизнеска ярдәм итү өчен 4,5 млрд сум юнәлтелгән

Бу акчалар ташламалы финанслау, җаваплылыкны өскә алу, субсидияләр түләү, мәгълүмати ярдәм һәм консультацияләр бирү кебек программаларга юнәлтелде, дип хәбәр итә ТР Икътисад министрлыгы матбугат хезмәте.

Моннан тыш, Татарстан Президенты Рөстәм Миңнеханов күрсәтмәсе буенча, санкцияләр белән бәйле чикләүләр булган шартларда республика тарафыннан да ярдәм чаралары тәкъдим ителә. Бүген иң зур ихтыяҗ – ташламалы микрофинанслау.

Республиканың Эшмәкәрлеккә ярдәм итү фондына быел эшмәкәрләрдән 1198 гариза килгән. Алар буенча эшмәкәрләргә 1 миллиард сумлык 579 микрозайм бирелгән.

Мәгълүм булганча, эшмәкәрләрнең 3 елгача срок белән 5 миллион сумга кадәр микрозаймнар алу мөмкинлеге бар. Микрозаймнар буенча максималь процент ставкасы бары тик 5,5 процентны тәшкил итә. Гаризаны «Минем субсидияләр» порталы аша җибәрергә була.

Шулай ук быел 25 яшькәчә яшь һәм социаль өлкәдә хезмәт куйган эшмәкәрләр өчен (кече һәм урта эшмәкәрлек субъекты ягыннан кимендә 25 процент күләмендә финанслашу шарты белән) грантлар алуга гаризалар кабул ителә башлады. «Мой бизнес» үзәгендә укыган яшь һәм социаль эшмәкәрләр үз проектларын гамәлгә ашыру өчен грант алу өчен заявканы «Минем бизнес» үзәгендә тапшыра ала (адресы: Казан, Петербург урамы, 28нче йорт).

Ел башыннан ТР Гарантия фонды барлыгы 2 миллиард сумга җаваплылыкны өскә алу буенча 455 килешү төзегән. Бу Татарстан эшмәкәрләренә 5,8 миллиард сум күләмендә заем финансларын җәлеп итәргә мөмкинлек биргән.

«Минем бизнес» үзәге быел эшмәкәрләргә, үзмәшгуль һәм үз эшен башларга планлаштырган гражданнарга 12 меңнән артык хезмәт күрсәткән. Иң зур ихтыяҗ булган хезмәтләр – сертификацияләү, күргәзмәләрдә катнашуны финанслау, реклама, маркетплейсларга чыгу, укыту, хисап бирү өчен хезмәтләр һәм бизнес-миссияләрдә катнашуны финанслау. Барлык хезмәтләрне дә, МСП.РФ цифрлы платформасында заявка калдырып, «Минем бизнес» үзәгендә бушлай алырга мөмкин.

Финанслау белән бәйле булмаган ярдәмне онлайн форматта МСП.РФ Цифрлы платформасында, o финанслау таләп ителгән ярдәм чараларын Минем субсидияләр, фасттрек.рф порталында алырга була. Барлык ярдәм чаралары турында консультация алу өчен кайнар линия телефоны: 8(843)524-90-90.

Илкүләм проектлар Россия Президенты тәкъдиме һәм күрсәтмәсе буенча гамәлгә ашырыла.