22 апрель – Ленин бабай туган көн!

Балачактан ук шулай дип үскәч, Россиянең  тарихи бөек шәхесе Владимир Ильич Ленинны Ленин бабай дип кенә йөртәбез. Әлбәттә, аның исеме дан казанган чорга эләккән буын буларак.  Туксанынчы елгы үзгәртеп корулардан бирле  Бөек революционер турында күп сүзләр йөри, ничек кенә булмасын,  ул гади халыкка ирек биргән, аның яшәешен яхшырткан, ил өчен бик күп уңай үзгәрешләр керткән кеше. Курку белмәс көрәшче, көчле оратор, илбашлыгы.

Әлеге  мөһим дата уңаеннан сабыйлардан Ленин бабай кем ул,  дип сорыйм, белмиләр, ә менә президентларыбызны беләләр. Белергә кирәк тә бит, нишләтәсең, җиһанда яңа чор, яңа заман... Өлкәннәр, әти-әниләребез хәтерли, октябрятка алган, галстук таккан, бәйрәм митинглары мизгелләре, субботниклар, концертлар һәрчак аның исеме белән бәйле иде диләр...