"Ак чәчәк"тә Өлкәннәр көне узды (фото)

Нәниләр үзләренең матур-матур чыгышларын нәкъ менә әби-бабалары, дәү әниләре өчен дип әзерләгәннәр. Аерым шигырьләр күмәк җыр һәм биюләр белән үрелеп барды. Бәйрәм белән котлап килгән Көз кызы балаларга табышмаклар әйтеп, зирәклекләрен тикшерде, ә алар сынатмадылар, бердәм һәм бик тиз генә җавапларын да таптылар. Балалар белән өлкәннәр өчен уен бәйрәмнең күңелле өлеше булды. Бәйрәм чәй табыны артында дәвам итте. Оныклар белән рәхәтләнеп ял иттек. Тәрбиячеләр Гөлнара Мөбарәковна Хәкимова, Вәсилә Шамиловна Гафетдинова, музыка укытучысы Әлфия Низамиева һәм яраткан апалары Фәйрүзә Хөснетдиноваларга һәм бакчаның башка хезмәткәрләренә олы рәхмәтебезне җиткерәбез. Уртанчы группа балаларының әби-бабалары.