Алар мәрхүм булганнарның каберен белә...

Марсельнең туган көне һөнәри бәйрәме якынлашкан көннәргә туры килде, үлеме дә шул вакытта булды. Яман чир ярдәмчел, ипле хезмәттәшләрен аямады шул, яраткан гаиләсен ятим, якыннарын нәүмиз калдырып, дөньялыктан алып китте. Полиция хезмәткәрләре вакытсыз араларыннан киткән бер генә иптәшләрен дә онытмый, аларның якты истәлекләренә багышлап төрле спорт ярышлары үткәрә, шул ярышларда үзләре дә ихластан катнашалар, мәрхүмнәрнең туганнары белән якыннан аралашалар.