"Ардык инде шул юллардан йөреп" (+фото)

Матур җәй айлары тәмамланырга да аз вакыт калып бара. Тиздән мәктәпләрдә укулар башланачак, сабыйлар балалар бакчаларына барачак. Әмма бер нәрсә генә үзгәрешсез кала бирә. Ул да булса без көндәлек эшкә, мәктәпкә, балалар бакчасына йөри торган Сизнер-Чепья юлы. Аны ремонтларга да җыенмыйлар, безгә калса. Начар юллардан йөрүе бик авыр. Зур чокырлар, ташлар машиналарга зур зыян сала. Безнең хәлне бары тик шушы юллардан йөргән, бу мәхшәрне үз күзләре белән күргән кеше генә аңлый. Без якын киләчәктә юллар ремонтланыр дигән ышанычыбызны югалтмыйбыз әле.