Айрат Хәйруллин: «Дәүләт белән үзара хезмәттәшлек коммерцияле сервислардагы кебек үк гади булырга тиеш»

– Дәүләт инициативасы - QR-кодлар кертү. Без шундый алга киткән цифрлы республика, ни өчен без  QR-кодларны баштарак кертмщдек? Нинди авырлыклар булды? Һәм бүгенге көнгә кадәр ниндиләре бар?

– Беренчедән, бу нәкъ менә супер-уңайсыз. Карар кабул ителде, мин Хөкүмәт Карары турында фикер алышырга теләмим. Бераз күбрәк вакыт запасы кирәк иде. Кешеләр гадел рәвештә ачулана, бу абсолют норма, кешеләр: «Ни өчен сез миннән QR-код таләп итәсез, мин 20 ел йөрдем, бернинди проблемаларым да булмады», - диләр.

– Ә транспорт карталары белән нәрсә булды? Кодлары булган пенсионерларның бер өлешендә юл йөрү кагыйдәләре туктатылды.

- Транспорт картасының операторы - «АкБарсБанк". Анда гражданнарның ике вакцина компонентыннан башка, карта дөрес түгел, дигән карар кабул ителде. Төркемләп кешеләрне йөртү буенча сервис барлыкка килде, без җәмәгать транспортында пассажирлар агымының бик нык кимүен күрәбез. Мин ышанам ки, болар барысы да вакытлыча, бу вәзгыять нормальләшәчәк.

- Минем танышымның әнисе ниндидер сәбәп аркасында сәламәтлек саклау министрлыгы исемлегеннән төшеп калды, аннары ул мәгълүматларны Транспорт һәм юл хуҗалыгы министрлыгына озак күчерергә тырышты. Бүген бездә ведомстволар арасында цифрлы коммуникацияләр ни дәрәҗәдә үсеш алган, һәм аны ничек киңәйтергә һәм тагын да уңайлырак итәргә җыенасыз?

– Монда тагын өченче федераль дәрәҗәге баскыч бар. Вакцинацияләнүчеләр реестры федераль сәламәтлек саклау министрлыгы дәрәҗәсендә формалаштырыла, безнең республика ведомствосы вакцина ясаучы табибларны мәгълүматны федераль системага кертергә мәҗбүр итә. Мин хәлне күрдем, һәм бу проблема бар. Сезгә вакцина ясадылар, ә мәгълүматлар өч көннән соң юкка чыкты. Табиб өлгерми, ул 60-80шәр кешене вакциналаштыра, аннары ул эш вакытыннаг моң кәгазь өеме белән утырырга тиеш.

Ведомстволарның үзара хезмәттәшлегенең бик яхшы мисаллары бар. Федераль салым хезмәтен алыйк. Бездә салым бурычының булмавы турында белешмә алу мөмкинлеген бирүче сервислар күп. Мондый базалар бар, мәсәлән, ЮХИДИ базасы. Сез белешмә китерәсез һәм: «мин аз керемле», - дип әйтәсез, сезнең 14-15 мең сум табышыгыз бар дип белдерәсез. Ә системада сезнең ике катлы коттедж булуы күренә, сездә КАМАЗ бар, сез йөк ташу белән акча эшлисез, Сез кече эшмәкәр. Бу әйберләр икътисади максатка ярашлы итеп җайга салынган.

Начар мисал - ЗАГС, мәгариф министрлыгы һәм медицина учреждениеләре. Бала тугач, сез ЗАГСта туу турында таныклык алырга тиеш, әмма бу, кагыйдә буларак, хәзер бала тудыру йортларында эшләнә, аннары бу документ белән сез баланы ай дәвамында яшәү урыны буенча теркәргә тиеш. Сез паспорт өстәленә барасыз, алга таба сезгә баланы балалар бакчасына электрон чиратка яздырырга кирәк булачак. Хәзер дәүләт бердәм платформа булсын өчен эш алып барыла. Бала туган икән, бу мәгълүматлар шунда ук барлык ведомстволарга автомат рәвештә эләксен. Быел кайбер ведомстволар буенча үзара бәйләнеш төзелгән, һәм ул бик яхшы җайга салынган. Мондый уртак хезмәттәшлек - якынча 700, шуларның егермегә якыны гамәлгә ашырылды, эш бер-бер артлы бара, 2022 елда без темпларны арттырачакбыз.

Чыганак: tatarstan24.tv