Балтач районы башлыгы Рамил Нотфуллин котлый

Хөрмәтле районыбыз халкы! Сезне чын йөрәктән Татарстан Конституциясе көне белән тәбрик итәм! Татарстан — Россия Федерациясенең таянычы. Илебез үсешендә аның саллы өлеше бар.

Без, республикабыз һәм уртак Ватаныбыз мәнфәгатьләрендә намуслы хезмәт куюлары өчен, барлык халыклар, шулай ук төрле буын вәкилләренә олы рәхмәтебезне җиткерәбез.
Газиз республикабыз өчен тагын бер истәлекле датаны — Татарстан Республикасы Конституциясе көнен билгеләп үтәбез. 

Хокукый системаның нигезе һәм чыганагы булган Төп Законны кабул итү Татарстан дәүләтчелегенең яңа тарихында зур вакыйга, демократик, хокукый һәм иҗтимагый дәүләт төзелешендә мөһим адым булды.
Кадерле дуслар, әлеге бәйрәмнәр белән тәбрикләп, сезгә тынычлык, татулык һәм иминлек телим. Өйләрегездә бәрәкәт һәм дуслык хөкем сөрсен! Ил- көнебез тыныч булсын!
Рамил Нотфуллин,
Балтач муниципаль районы башлыгы.