Балтач кунаклар кабул итте. Кемнәрне?

Узган ялларда Балтач чик буе хезмәте, Чик буе хезмәте ветераннарының патриотик берләшмәсе Мәскәү өлкә иҗтимагый оешмасы ветераннар төркеме, Яр Чаллы шәһәреннән Мартынова Инна, Ткачев Андрей, Түбән Кама шәһәреннән Билалов Фоат, Арча шәһәреннән Сергей Емельянов Викторны каршы алды. Шуны да билгеләп үтәргә кирәк, кунаклар арасында 2009 елдан 2013 елга кадәр контракт буенча хезмәт иткән Мартынова Инна да бар иде. Кунакларны безнең район чик сакчылары ветераннары майор Шакиров Рафаэль Габделбәр улы, Зарипов Ринат, Гатиятуллин Дилүс, Мамыков Олег үзенең графы, Гыйлаҗетдинов Фидаил һәм ВДВ ветераны Габдрахманов Фаил каршы алды һәм озатып йөрде. Безнең монументның популярлыгы һәм билгеләнгән хәрби символиканың төрлелеге район халкын гына түгел, Татарстан Республикасында яшәүчеләрне дә сокландыра. 
Кунаклар һәйкәлне зур канәгатьләнү белән күзәттеләр, истәлеккә фотога төштеләр, шулай ук ветераннар чик буе хәрәкәте һәм яшь буында патриотлыкны үстерү мәсьәләләре буенча да фикер алыштылар. Аралашу барышында кунаклар “Герат кыр почтасы” Бөек Ватан сугышы чорындагы экспонатлар музееннан истәлекле бүләкләр тапшырды. Гомумән алганда, очрашу дустанә һәм рухи халәттә узды. 

Гөлзидә Газизуллина 
https://vk.com/im?sel=164540810&z=album164540810_..

Ринат Зарипов фотолары