Балтач мәктәбе укучылары “Җиңү хаты” язган (+фото)

Балтач урта мәктәбе  “Җиңү хаты” дип аталган социаль акциягә кушылды. 
Укучылар Бөек Ватан сугышында катнашкан үзләренең гаилә әгъзаларына хат язды. Әлеге акция “2016-2020 елларга Россия Федерациясе гражданнарының патриотик тәрбиясе” программасы буенча тормышка ашырыла. 
– “Җиңү хаты” акциясе Бөек Ватан сугышында катнашучы кешеләрнең батырлыклары турында яшьләргә тагын бер кат искә төшерәчәк. Чөнки һәркем ветераннарга бүген ничек булыша алганлыгы һәм Җиңү мирасын ничек саклавы турында уйланырга тиеш, – ди мәктәпнең өлкән әйдаманы Алия Ибраһимова. 

Руфия Закирова фотолары