Балтач ЗАГС бүлегендә бала тууын рәсмиләштерү тантанасы булып узды

Гыйбадуллин Фәнис белән Гөлиянең, Хәеров Альфред белән Мәдинәнең дә бик куанычлы көннәре. Тормышларын түгәрәкләндереп, 4 май көнне Гыйбадуллинар гаиләсендә икенче балалары - кызлары Зәмирә туды, ә Хәеровлар гаиләсендә 12 май көнне алтынчы балалары - кызлары Хәдичә якты дөньяга аваз салды. Халыкара гаилә көне уңаеннан, Балтач районы ГХАТ (ЗАГС) бүлгендә бу гаиләләрнең кызлары тууын рәсмиләштерү тантанасы башкарылды. Туган илебезгә ике кыз бала бүләк иткән ата-аналарга хөрмәт йөзеннән бүлек хезмәткәрләре тарафыннан матур теләкләр, рәхмәт сүзләре һәм истәлекле бүләкләр тапшырылды, дип хәбәр итә Зөһрә Әхмәтханова.