Балтачның 4нче номерлы балалар бакчасында Әниләр бәйрәме узды

Ильнур, 27 ноябрь 2014 - 10:59

2839

Безнең 4нче номерлы балалар бакчасындагы бәйрәмнәр бер-берсен кабатламыйча үзгә рухта үтә. Кичә генә булып узган Әниләр бәйрәме дә бик эчтәлекле, тирән мәгънәгә ия кичә булды.

Балтачның 4нче номерлы балалар бакчасында Әниләр бәйрәме узды

"Аулак өй" формасында оештырылган бәйрәм дөньядагы иң кадерле кешеләребез булган әниләребезгә дан җырлау белән беррәттән миллилекне дә, бер-береңә булган хөрмәт хисен дә чагылдырды. Балаларыбызның җыр-моңга булган сәләтләре өчен горурланып, һәр чыгышны югары дәрәҗәдә әзерләген бию-музыка укытучыларына, яраткан тәрбиячеләребез Әлфия Мәрдәнова белән Эльвира Абуллинага рәхмәт әйтеп, бәйрәмне тын да алмый күзәттек.

Дөнья мәшәкатьләрен оныттырып, күңелле ял минутлары бүләк иткән "Каенкай" бакча коллективына, күз карасы кебек кадерле балаларыбызга зур рәхмәтләребезне ирештерәбез, еллар тыныч булсын да, һәр әни балаларыныннан бары игелекләр генә күреп, аларның уңышларына сөенеп яшәсен.