Балтачта 11нче тапкыр “Чын күңелдән” дип исемләнгән хәйрия акциясе үтте

Тәм-томнар тулы өстәлләрдә кайнар чәй эчеп алганнан соң, әкият герйлары балалар өчен күңелле уеннар үткәрде. Теләге булганнар үзен кул эшендә сынады, кайберүләр волонтер апаларыннан битләренә төрле бизәкләр ясатты. Үзара ярыштылар, рәхәтләнеп биеделәр балалар. Дулкынланып көтеп ала торган лотерея уеннары да сюрпизларга бик бай булды. Кемдер игелекле Закировлар гаиләсе кулыннан планшет, икенчеләр бассейн, өченчеләр йомшак уенчык алды. Балалар сәнгать мәктәбе һәм бистәнең 4нче номерлы балалар бакчасы нәниләре бәйрәмне җыр-моңга күмде. Чара ахырында һәр балага Закировлар гаиләсе исеменнән тутырылган күчтәнәч пакетлар тапшырылды.