Балтачта “Бәхетле балачак” исемле чара узды (фото).

Ильнур, 1 июнь 2015 - 18:16

2419

1 июнь - Халыкара балаларны яклау көне. Балтач "Наз" үзәге белгечләре һәм «Волонтер» БҮ СДР ТР активистлары белән берлектә "Бәхетле балачак" исемле чара үткәрделәр. Бәйрәм барышында сәламәт яшәү рәвешен пропагандалаучы уеннар оештырылды. Волонтерлар халыктан "Нәрсә ул сезнең өчен Сәламәт яшәү рәвеше?" дигән анкета уздырды. Кечкенә төркем балаларга "Һәрвакыт булсын..." язуларын...

Балтачта “Бәхетле балачак” исемле чара узды (фото).

1 июнь - Халыкара балаларны яклау көне. Балтач "Наз" үзәге белгечләре һәм «Волонтер» БҮ СДР ТР активистлары белән берлектә "Бәхетле балачак" исемле чара үткәрделәр.

Бәйрәм барышында сәламәт яшәү рәвешен пропагандалаучы уеннар оештырылды. Волонтерлар халыктан "Нәрсә ул сезнең өчен Сәламәт яшәү рәвеше?" дигән анкета уздырды.

Кечкенә төркем балаларга "Һәрвакыт булсын..." язуларын шар эченә тыктырдылар. Кабартылган шарлардан кеше һәм чәчәк фигуралары ясау - балалар өчен аеруча күңелле булды. Командалы уеннарда балалар күзне бәйләп рәсем ясадылар, балык тоту уеннарында катнаштылар.

Шулай ук юл кагыйдәләре буенча волонтерлар балаларның белемнәрен тикшерде, памяткалар һәм визиткалар өләштеләр.

Күңелле үткән чараны йомгаклап, балалар үзләренең бәйрәмнән алган тәэсирләрен асфальтта рәсем ясап чагылдырдылар.