Балтачта эшмәкәрләр фикер алышты

Ильнур, 29 декабрь 2014 - 07:58

2393

Кече һәм урта бизнесның бүгенге хәле һәм аның киләчәккә үсеш юллары турында сөйләшү өчен район советы утырышлар залына эшмәкәрләр, җирле үзидарә һәм район оешмалары җитәкчеләре җыелды.

Конференцияне район башлыгы Рамил Нотфуллин ачып җибәрде. Башкарма комитеты җитәкчесе Рамил Шакиров районның узган елгы эшчәнлеге белән таныштырды. Икътисад бүлеге җитәкчесе Алмаз Зәкиев кече һәм урта бизнес эшчәнлеге турында сөйләде. Эшмәкәрләр советы җитәкчесе Раиф Гафиуллин 2015 елга булган планнар белән таныштырды.

Конференциядә ТР Авыл хуҗалыгы һәм азык-төлек министры урынбасары Р.Хәбипов, ТР кече һәм урта бизнес предприятиеләре ассоциациясе Президенты Х. Хәлиуллин, ТР фермерлары ассоциациясе рәисе К. Байтимеров һәм башкалар чыгыш ясады. Азактан алдынгы эшмәкәрләр бүләкләнде.