Балтачта күңелле балачак бәйрәме гөрли(+фото)

Иртәгә 1 июнь - Халыкара  балаларны яклау көне. Ә Балтачта бәйрәм инде бүгеннән башланды,  "Ак калфак" иҗтимагый җәмгыятенең райондагы бүлекчәсе вәкилләре һәм дә район оешмалары белән берлектә "Күңелле балачак" бәйрәме үтә. Бәйрәм физик мөмкинлекләре чикле балалар өчен оештырылган. Балалар әти-әниләре белән рәхәтләнеп күңел ача, уйный, бии. Кариледән Рифкать абыйлары мич  коймагы пешереп  сыйлый үзләрен. Килүгә үк оста апалары бизәндерде, кул эшләре белән шөгыльләндереп алды. Бәйрамне "Ак калфакчы" Сәлимә Габделхакова алып бара. Ул балаларны "Бәхетле балачак" поездына утыртып, станцияләр буенча йөртә. Чираттагы станция әлегә билгесез, ә хәзергә балалар рәхәтләнеп төрле  милләт бию көйләренә бииләр.