Балтачта хәтер яңарттылар. Кемнәр? (+фоторепортаж)

Әлеге истәлекле дата уңаеннан, район үзәгендә урнашкан "Батырлар аллеясы"нда кичә митинг булды. Үзәктә урнашкан оешма-предприятие, район Советы һәм район башкарма комитетының бүлек хезмәткәрләре, мәктәп укучылары, балалар һәм бистә халкы катнашында Илебез азатлыгы өчен башларын салган каһарманнарны, кайткач вафат булган сугыш ветераннарын бер минут тынлык белән искә алынды, һәйкәлгә чәчәкләр салынды. Әлеге чарага Балтач бистәсендә гомер итүче Бөек Ватан сугышы ветераннары Мансур Хәсбиуллин белән Гыйльван Гыйльмуллин да чакырулы иде. Мансур ага Хәсбиуллин: "Ил-көнгә тынычлык теләп, башка беркайчан да сугышлар булмасын, без күргән кайгыларны сезгә кичерегә язмасын иде! - дип теләде.