Балтачта сессиядән соң атналык җыелыш узды (фото)

Бүген район советының утырышлар залында сессия тәмамланып, кыска тәнәфестән соң, атналык җыелыш башланды.

Иң беренче сүз район хәрби комиссары Васил Вәлиевка бирелде, хәрби комиссар актуаль көн темасына әверелгән контрактчылар темасын күтәрде.

Район башлыгы урынбасары Наил Сабирҗанов үзара салым акчалары буенча атналык күзәтү ясады.  Район башкарма комитеты җитәкчесенең беренче урынбасары Илшат Галимуллин өч төрле салым җыю буенча үтәлеш турында бәян итте.

Районда барган төзелешләрнең атна дәвамында ни дәрәҗәдә дәвам итүе турында җаваплы җитәкче Илфат Сәгъдиев хисап тотты, районда туучылар, үлүчеләр саны буенча, сәбәпләренә тукталып, районның баш табибы Газинур Дәүлиев сөйләде.

Яңа елга хәзерлек мәсьәләләре буенча район башкарма комитеты җитәкчесе урынбасары Илһам Гайнетдинов чыгыш ясады. Шулай ук чисталык, төзекләндерү, авыл хуҗалыгы өлкәсендәге һәм башка мәсьәләләр каралды.

Район башлыгы Рамил Нотфуллин авыл хуҗалыгы җәмгыятьләре, оешма-предприятие җитәкчеләре, авыл җирлекләре башлыклары алдына бурычлар куйды.