Балтачтан Мәгъфирә Әсхәдуллина шәлле булды (видео)

Кичә сайтыбызда "Мин сине шундый сагындым..." төркемендә Оренбург осталары бәйләгән шәлгә – палантинга конкурс үткәрелүе һәм конкурстан тыш Балтачта яшәүче өч игезәк улының икесен мобилизация буенча фронтка озаткан Мәгъфирә Әсхәдуллина да шундый ук шәлле булачак дип язган идек.

Райондашыбыз, Татарстан пешекчеләре гильдиясе әгъзасы, аш-су остасы, киң күңелле Альбина Фәсхиева бүген Мәгъфирә апада кунакта булып, аны ак шәлъяулык белән куандырды.

Рәхмәт сиңа, Альбина! Үз яхшылыгың үзенә меңе белән әйләнеп кайтсын!