Беттеме инде бакчагызда әйбер җыеп?!

Балан, миләш, кара миләш бар әле дип әйтүчеләр аз булмас. Шулай да, күпчелек райондашлар  көзге тәлгәшләрдән пирог пешереп ашарга, компот кайнатырга, киптереп куярга өлгерде инде.  Алар бар да файдалы җимешләр, ачы миләшнең начар чирләргә каршы торучанлыгы да бар диләр. Кара миләш кан басымын күтәрә, балан исә төшерә дип тә әйтәләр. Кемгә ничек килешәдер тагын, әмма алар табигый, бушлай булулары белән киштә тулы җиләк-җимештән күпкә өстен.