Безгә ярдәмгә Наташа белән Александр килде

«Азьлане» газетасында эшләгәндә Наталья Жукова буларак укучыларга яхшы таныш булган кызыбыз Удмуртия якларына кияүгә чыгып, Наташа Бузановага әверелде дә куйды.

Наташабыз безне ташлап бетерми, гел кунак булып килә, әле узган шимбә көнне дә Можга каласының тәмле тортын тотып кергән иде, тик без генә «Сабантуй» ял паркына өмәгә җыена идек шул. Наташабыз аптырап тормады, сез бүген аз санда да икән әле, дип, тормыш иптәше Александр белән эш коралы алып, эш киеменнән безгә ярдәм итәргә килде.

Алар килгәч хезмәтлеләргә көч тагын да өстәлде, эшне тиз арада, җәһәт кенә башкарып та чыктык. Сездә эшләп киткән хезмәткәрләр дә шулай килеп булышалармы ул?! Наташа белән Александрга без бик рәхмәтле калдык, «Хезмәт» белән «Азьлане» газеталарының беренче битләренә дә җиң сызганып эшләгән вакытта төшергән фотоларын куйдык.