“Безнең ишегалды” киңәя: рәсем, фото, видеоролик

“Гаилә канаты астында” дигән региональ иҗтимагый оешма рәисе Изольда Жуйкова иҗтимагый оешмаларга, яшьләргә, гомумән, Татарстанда яшәүчеләргә әлеге акцияне күтәреп алырга тәкъдим итте. Акциянең максаты – ишегалларын яңарту һәм төзекләндерү буенча мәсьәләләрне хәл итүгә иҗади якын килү. Акция шулай ук ишегалды биләмәсенә сакчыл караш булдыруга, бер-береңә рәхимле булып, аңлашып, хөрмәт белән яшәүгә игътибар юнәлтә. Иҗади эшләр конкурсы өч номинациядә үтә: ”Безнең ишегалды: Хыялымдагы ишегалды” дигән темага рәсемнәр ясау; “Безнең ишегалды: мәрхәмәтле күршеләр биләмәсе” темасына фоторәсемнәр; “Безнең ишегалды: Чиста ишегалды – иркен кала”, “Мәрхәмәтле ишегалды– кунакчыл кала”, “Спорт ишегалды – сәламәт кала”, Безнең ишегалды: мәрхәмәтле күршеләр биләмәсе”, “Безнең ишегалды: биредә танылган кеше яши” дигән темага видеороликлар.

Конкурс быелның 1августыннан 1сентябренә кадәр үткәрелә. Эшләрне акциянең электрон почтасына nachdvor.rt@yandex.ru җибәрергә кирәк.

Фото: автор