Бистәдә юллар нигә ябыла?

Бу сорау белән сайт укучыларыбыз даими мөрәҗәгать итеп торалар. Бистәбезнеӊ төрле урыннарында, урамнарында төзелеш, ремонт эшләре бара, кешеләрнеӊ гомерен куркыныч астына куймас өчен урамнарны вакытлыча ябып торырга мәҗбүрбез, дип җавап бирделәр безгә район башкарма комитетыныӊ торак-коммуналь, төзелеш бүлегеннән.

Чираттагы ябылган урам – Киров урамы. Ленин урамы белән Булатов урамына кадәр арада хәрәкәт вакытлыча туктатылды, чөнки күпләр көткән, халык күп йөри торган урынга тротуар түшәлә.