“Болгар радиосы”нда Кенә кызы Мәликә

Ничек дисезме? Әйдәгез моны Мәликәнең әнисе, Гөлшаттан белик: “30 гыйнвар көнне кичке сәгать 9да “Болгар радиосы”нда Дилбәр “Әти һәм мин” дигән уен уздырды. Шунда шалтыратып, Мәликә әтисе белән катнашты. Аларның көндәшләре Яшел Үзәннең Норлат авылыннан Нурмиевлар гаиләсе иде. Нурлан исемле малай әтисе белән катнашты. Дилбәр сорау бирде, катнашучылар чиратлашып җавап бирделәр. Шул уенда җиңгән өчен “Болгар радио”сына бүләкләр бирергә чакырдылар. Мәликә Дилбәр апасына рәсем ясап алып барды. Аның Дилбәр апасын бик күрәсе килгән иде. Радиога килүгә бик матур итеп каршы алдылар, студияне күрсәттеләр, шунда эшләгән алып баручылар белән таныштырдылар. Истәлеккә карточкаларга төштек, бүләкләр бирделәр. Шундый ачык йөзле, позитив кешеләр эшли икән анда. Мәликәбез бик ошатып, яратып кайтты радионы. Киләчәктә дә мондый төр бәйгеләрдә катнашып, үз бәхетеңне сынап карарга кирәк икән дигән нәтиҗәгә килдек”.