Болытлар артында кояш бар

(хикәя, әнкәем истәлегенә)

Роза бүген йокысыннан никтер иртәрәк торды. Әллә инде көннән-көн үзен ныграк сиздергән яз галәмәте идеме, калын стена аша борынына, юк, борынына гына түгел, бөтен җанына кояшлы, язгы саф һава, рәхрт бер көчле дулкын килеп бәрелгәндәй булды. Үзендә әйтеп-аңлатып бетермәслек көч, энергия тоеп күзләрен ачты. Күңелендә ниндидер бәйрәм танатанасы иде.

–Бүген 8 март бит әле, менә нәрсәдә икән хикмәт, – дип үз алдына елмайды ул. Янәшә караватта сабыйларча тыныч итеп йоклап ятучы әнисенең уянуын да түземсезлек белән көтеп алды. “Бәйрәзм белән, әнием бәгрем!” – дип кочагына алды. Эшкә киткәнче әнисен юындырырга, ашатырга да өлгерде. Бар әйберне аңа үрелеп кенә алырлык итеп көйләп куйды. Ул эшкә киткәч әнкәсензә тилмереп утырырлык булмасын, “Һай, бу йөрү алмаулар!” – дип күңеле боегрлык булмасын дип тырышты.

Менә ничә ел инде йөри алмый шул әнисе. Үзе сер бирми, беркайчан зарланмЫЙ ТАГЫН. Кергән бер кешене елмаепЮ якты йөз белән каршы ала. Күңеле тулса да, күрсәтми. Тик ундүрт яшеннән әнисенә булышып, янәшәсендә бөтерелеп йөргәшн Роза инде әнисен үтәли күрергә өйрәнде. Үзе берни әйтмәсә дә әнисе күңелендәге кичерешләрне аңлый, әмма ул да берни сизмәгәндәй, аңламагандай итзә. Шулай булганда әнисенә җиңелрәк икәнен белә иде инде ул.

Шулай йорт эшләрен бетереп, аерылышу вальсын биюче кар бөртекләре  белән узышы-узыша, Роза эшкә ашыкты. Яратты ул сатучы эшен.  Хезмәттәшләрен ихтирам итә, алары да Роза дип кенә торалар, сатып алучыларның да күңелен күрергә тырыша. Розаның уңганлыгын, юмартлагын, әйбәтлеген хуплагандай, язгы кояш кибетнең зур тәрәзәсеннән елмаеп карый, аңа үз итеп елмаеп күз кыса: “Афәрин, Роза! Һәрвакыт шундый ягымлы, гадел бул! Мин синең юлдашың булырмын, шуны онытма!”, янәсе.

Гаҗәеп ямьле язларның да болытлы, шыксыз көннәре, усал җилләре булган кебек, Розаның да чәчәктәй тормышы көтмәгәндә кискен борылыш алды – күңелдә йөрткән якты уйлар, хылларны, ашкынып эшкә баруларны  шул усал җилләр бөтереп әллә кайларга алып киттеләр сыман... Роза кинәт авырып китүеннән савыга алмыйча аяксыз калды.

Дәвамы "Хезмэт" газетасында.

Эльза Вәлиева-Сәгыйтова.