Бәйрәмнәр кайгы китермәсен

Ильнур, 22 декабрь 2015 - 17:21

3507

Россиядә һәм Татарстан Республикасында кебек Балтачта да террорчылыкка каршы комиссия күзәтүе астында террор гамәлләрен кисәтү буенча максатчан эш алып барыла. Бу турыда дүшәмбе көнне шушы комиссиянеӊ киӊәйтелгән утырышында җентекләп сөйләшү булды.

Район башкарма комитеты җитәкчесе ярдәмчесе Равил Таҗетдинов үзенеӊ чыгышында бу өлкәдә әле эшләнеп бетмәгән, кеше факторына бәйле булган мисаллар белән күпләргә уйландырырлык фактлар китерде. Чыгыш ясаган бүлек мөдирләре үзләре җитәкләгән өлкәдә эшләнгән эшләрне барлап, комиссия членнарына җиткерделәр.

Район эчке эшләр бүлеге җитәкчесе Илдар Усманов көндәлек һәм бәйрәм чаралары вакытында полция тарафыннан күреләчәк чаралар турында сөйләде.

Гомүмән, районныӊ террорчылыкка каршы комиссиясе, халыкны игътибарлы булырга чакыра. Шик тудыра торган хәлләрнең шаһиты булган очракта, хокук саклау органнары һәм махсус хезмәтләрнең һәркемгә ачык каналлары аша элемтәгә керергә киңәш ителә.

Татарстан Эчке эшләр министрлыгының Балтач бүлеге кизү хезмәте: 2-43-46; 02; кәрәзле элемтә телефоны: 020.

Россия Федераль иминлек хезмәтенең Татарстан буенча кизү хезмәте: 231-45-55.

Бердәй коткару хезмәте: 112.