Эксперт: Коммерцияле булмаган оешмага ярдәм итү Төп законда билгеләнү ышаныч бирәчәк
Россия Конституциясенә кертелә торган төзәтмә коммерцияле булмаган оешмалар һәм волонтерлар эшчәнлеге ярдәменә тулысынча исәп тотарга мөмкинлек бирә.
«Шуңа игътибар юнәлтәсем килә: Конституция ул закон чыгару эшчәнлеге генә түгел, ә гражданлык инициативалары чыганагы да. Әгәр Конституциянең бер маддәсендә норма буларак беркетелгән шундый ярдәм бар икән, бу әлеге эшчәнлек белән шөгыльләнә башлаган кешеләргә ышаныч бирәчәк», - дип белдерде ул «Татар-информ» агентлыгына.
Коммерцияле булмаган оешмаларга ярдәм күрсәтү турындагы норманы Россия Конституциясендә беркетү әлеге тармакта эшчәнлеген башлап җибәрүчеләргә ышаныч бирәчәк. Сәясәт белгече, «Политджойстик» телеграм-каналы авторы Марат Бәширов шундый фикере белән уртаклашты.
«Коммерцияле булмаган оешмалар эшчәнлеген тәэмин итү өчен ниндидер чыгымнар кирәк. Шунлыктан әлеге оешмаларга хезмәт күрсәтүчеләрнең эшенә түләүдә ниндидер ташламалы вариантларны күздә тотарга кирәк», - дип искәртте Бәширов.
Бәширов әйтүенчә, илнең Төп законына шундый тезис кертелү федераль законнар кабул итүгә дә этәргеч бирәчәк, алар коммерцияле булмаган оешмаларның тотрыклы эшчәнлеген тәэмин итәчәк.
Фото: Владимир Васильев
Чыганак: tatar-inform.tatar
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев