Эшләрегез белән үрнәк сез

Анда шушы җирлеккә кергән колхозларда тырышып хезмәт куйган, тынгысыз хезмәтләре белән атказанган исеменә лаек булган һәм мактаулы эшләре өчен орден-медальләр белән бүләкләнгән ветераннар чакырулы иде. Бәйрәм барышында хөрмәтле кунакларны Нөнәгәр авыл җирлеге башлыгы Альфред Әхмәтханов, "Кызыл юл" хуҗалыгы җитәкчесе Фердинанд Хәйруллин котлап, изге теләкләрен юлладылар. Ветераннар да истәлекләре белән бүлешеп, үзләренә булган игътибар өчен рәхмәт сүзләре җиткерделәр. Әлеге күркәм чараны мәктәп укучыларының чыгышлары бизәп торды.